Rezime Egzekitif

ES.1     ENTWODIKSYON

Pwogram Amelyorasyon Transpò (TIP) pou Ane Fiskal Federal (FFYs) 2026-2030 se Plan Envèstisman 5 ane an kapital Òganiasyon Planifikasyon Metwopoliten Rejyon Boston (MPO) pou sistèm transpò rejyon Boston an. Gide pa vizyon, bi ak objektif MPO Rejyon Boston an, TIP la bay priyorite envestisman ki prezève sistèm transpò aktyèl la nan yon eta de bon reparasyon, bay transpò ki an sekirite ak fyab pou tout mòd, amelyore lavi, sipòte lè pwòp ak kominote ki an sante, ankouraje ekite, rezistans, ak dirabilite, epi amelyore mobilite nan tout rejyon an. Envestisman sa yo finanse amelyorasyon wout ak entèseksyon atè yo, antretyen ak ekstansyon  sistèm transpò piblik la, konstriksyon santye pou itilizasyon pataje, amelyorasyon premye ak dènye kilomèt pou itilizatè transpò aktif, ak rekonstriksyon gwo otowout.

Yon konsèy administrasyon  ki gen 23 manm ak reprezantan ajans leta yo, òganizasyon rejyonal yo, ak minisipalite yo ap dirije MPO Rejyon Boston an. Jiridiksyon li a apeprè soti Boston nan nò rive Ipswich, nan sid rive nan Marshfield, ak nan lwès nan  minisipalite yo sitiye sou Interstate 495. Chak ane, MPO a mennen yon pwosesis pou deside kijan pou depanse lajan transpò federal pou pwojè an kapital yo. Anplwaye Planifikasyon Transpò Santral (CTPS), ki se anplwaye MPO a, jere pwosesis elaborasyon TIP la.

Anplwaye MPO yo kowòdone evalyasyon demann finansman pwojè yo, pwopoze pwogramasyon pwojè aktyèl ak nouvo pwojè yo an fonksyon nivo finansman yo prevwa, ede konsèy administrasyon MPO a elabore yon pwojè dokiman TIP, epi fasilite yon egzamen piblik sou pwojè a anvan konsèy administrasyon MPO a apwouve dokiman final la.

ES.2     ENVESTISMAN TIP pou ANE FISKAL Federal 2026–2030

Lis konplè pwojè TIP la disponib nan Chapit 3 dokiman sa a ak sou Entènèt nan bostonmpo.org/tip. Tablo TIP yo bay detay sou fason yo alwe finansman pou chak pwojè pwograme ak pwogram envestisman an kapital. Tablo sa yo òganize pa ane fiskal federal epi yo gwoupe pa pwogram otowout ak transpò piblik.

ES.2.1 Pwogram Otowout

Pwogram Highway TIP la finanse pwojè transpò priyoritè ke Depatman Transpò Massachusetts (MassDOT) ak vil ak vilaj ki nan rejyon Boston an ap enplemante. Pwogram nan konsakre prensipalman pou prezève ak modènize rezo wout ki egziste deja pa rekonstwi atè yo, refeksyon otowout yo, ak ranplasman pon yo.

Nan Massachusetts, finansman Pwogram Federal Èd pou Otowout (Federal-Aid Highway Program) repati pa MassDOT (Depatman Transpò Massachusetts), ki afekte fon peman Nòt Antisipasyon Sibvansyon (GAN), divès pwogram nan tout eta a, ak Sib Rejyonal pou MPO eta a. Nan TIP pou Ane Fiskal Federal 2026–2030 yo, pwogram wout, pon, ak bisiklèt pou pyeton reprezante plis pase $2.56 milya finansman pou rejyon Boston an. Finansman Sib Rejyonal yo bay MPO yo ka pwograme pou pwojè yo selon diskresyon chak MPO, tandiske MassDOT gen pouvwa diskresyonè pou pwopoze pwojè li rekòmande yo pou pwogram nan tout eta a tankou sa ki gen rapò ak reparasyon pon ak antretyen otowout ant eta yo.

ES.2.2 Pwogram Transpò Piblik

Pwogram Transpò Piblik TIP la finanse pwojè ak pwogram ki reponn a bezwen envestisman twa otorite transpò piblik yo priyorie nan rejyon an: Otorite Transpò Bè Massachusetts (MBTA), Otorite Transpò Cape Ann (CATA), ak Otorite Rejyonal Transpò MetwoLwès (MWRTA). Pwogram Transpò a konskre prensipalman pou reyalize ak kenbe an bon eta tout byen atravè rezo transpò piblik la.

TIP pou Ane Fiskal Federal 2026–2030 yo gen ladan $7.75 milya envestisman transpò piblik pa otorite transpò piblik yo ki pral sipòte eta bon reparasyon, modènize sistèm transpò piblik yo, ak ogmante aksè nan transpò piblik yo.

Objektif

ES.3     DETAY PWOGRAM Sib Rejyonal

Pandan Ane Fiskal Federal 2026–2030, MPO Rejyon Boston prevwa finanse 58 pwojè ak finansman Sib Rejyonal li yo. An total, 18 nouvo pwojè te ajoute nan Pwogram Sib Rejyonal MPO a pandan sik TIP sa a. 18 pwojè sa yo enkli sèt nan pwogram Koneksyon Kominotè ak twa nan pwogram Transfòmasyon Transpò. Yo te fèk finanse dis pwojè wout yo nan kad Pwogram Sib Rejyonal  pou Ane Fiskal Federal 2026–2030 TIP la, ki gen ladan senk pwojè konsepsyon, yon pwojè ki te deja nan lis Pwogram Otowout nan tout Eta MassDOT a, ak kat pwojè konstriksyon nouvo nan kad TIP la. Detay sou pwojè sa yo disponib nan Tablo ES-1.

Tablo ES-1
Nouvo Pwojè Sib Rejyonal yo ki finanse nan Ane Fiskal Federal 2026–2030 TIP la

Nòt: Montan finansman ki nan tablo sa a enkli alafwa fon federal ak lajan ki pa federal, ki gen ladan fon kontrepati.
CTPS = Anplwaye Planifikasyon Sant Transpò. FFY = ane fiskal federal. GHG = gaz a efè tèmik. MassDOT = Depatman Transpò Massachusetts. MBTA = Transpò Otorite Bè Massachusetts. MPO = Òganizasyon planifikasyon metwopoliten. N/A = pa aplikab. RRFB = Kliyotan Rektangilè rapid. TIP = Pwogram Amelyorasyon Transpò.

Sous: MPO Rejyon.

Siyati Lwa de pati sou Enfrastrikti (BIL) a, nan dat 15 Novanm 2021, te ogmante kantite finansman Sib Rejyonal ki disponib pou MPO Rejyon Boston nan sik TIP Ane Fiskal Federal 2024–2028 a apeprè nèf pousan nan nivo finansman TIP F Ane Fiskal Federal 2023–2027. Nivo finansman sa a te soutni nan elaborasyon TIP Ane Fiskal Federal 2025–2029 ak Ane Fiskal Federal 2026–2030.

Pandan elaborasyon TIP Ane Fiskal Federal 2026–2030 la, MPO a te gen yon kantite lajan enpòtan ki disponib pou pwogramasyon Ane Fiskal Federal 2026 ak 2030. Sepandan, te gen defisyans enpòtan nan finansman Ane Fiskal Federal 2027, 2028, ak 2029 akoz reta pwogramasyon nèf pwojè ak ogmantasyon pri sibstansyèl.

Twa lòt pwojè ki te pwograme pou Ane Fiskal Federal 2025 yo te retade jiska Ane Fiskal Federal 2026 nan kad elaborasyon TIP pou Ane Fiskal Federal 2026–2030 ak yon Amannman 10 ki akonpaye TIP pou Ane Fiskal Federal 2025–2029. Yo te abòde balans ki pa pwograme pou Ane Fiskal Federal 2025 la atravè Amannman 10 lè yo ajoute nèf pwojè transpò piblik sa yo ke anplwaye MPO yo, okòmansman, te solisite pou finansman Ane Fiskal Federal 2026:   

• Finansman adisyonèl pou sipòte pwojè modènizasyon enstalasyon CATA nan Gloucester ($312,500)
• Deplwaman Kontaj Otomatik Pasaje (APC) ak Lokalizasyon Otomatik Veyikil (AVL) pou operasyon CATA ($680,000)
• Finansman pou ranplase twa otobis CATA eksplwate ($1,800,000)
• Amelyorasyon priyoritè Plan MBTA pou Enfrastrikti Transpò Aksesib (PATI) tou pre arè otobis yo ($1,000,000)
• Renovasyon de Feri katamaran pou MBTA ($2,634,000)
• Fas ak yon ogmantasyon pri Estasyon Natick Center MBTA a ($2,500,000)
• Finansman pou amelyorasyon aksè nan Wellesley Square Station MBTA a ($5,000,000)
• Finansman adisyonèl pou akizisyon sis lòt otobis gaz natirèl konprese (CNG) 29 pye pou MWRTA ($4,200,000)
• Finansman konstriksyon pou Inisyativ Reyamenajman kafou Blandin MWRTA a ($6,000,000)

Pou Ane Fiskal Federal 2026, pa gen okenn pwojè pwograme ki akselere pou itilize balans lan; donk, MPO a te travay ak ansyen pwopozisyon ki soti nan Pilòt Konsepsyon Pwojè pou Ane Fiskal Federal 2025, otorite transpò rejyonal yo, MBTA ak MassDOT pou idantifye pwojè ki ta ka finanse. MPO a te chwazi 15 pwojè pou finansman nan Ane Fiskal Federal 2026.

Senk nan pwojè sa yo te chwazi pou finansman konsepsyon:

• Konsepsyon amelyorasyon Wout 2A/Wout 119, Great Road nan Acton ($860,000)
• Konsepsyon yon pasaj a nivo sou liy tren Banlye MBTA nan Cambridge toupre Danehy Park ($2,000,000)
• Konsepsyon ekstansyon Wout Ray Santral Massachusetts atravè Hudson, soti Felton Street rive Priest Street ($909,700) Konsepsyon amelyorasyon wout 60 nan Malden ant Franklin Street ak Lynn Street ($800,000)
• Reyamenajman koridò Broad Street ak Dalton Parkway nan Salem ($1,068,780)

Sèt pwojè yo te finanse atravè pwogram Koneksyon Kominotè:

• Ranplasman 20 estasyon Bluebikes BikeShare nan Boston ($783,860),
• Acha ak enstalasyon twa nouvo estasyon Bluebikes ak 10 Bluebikes elektrik nan sid Brookline ($ 238,646),
• Ranplasman sèt estasyon Bluebikes ak 123 waf nan Cambridge ($ 268,458)
• Ranplasman 40 Bluebikes, 40 waf, ak 10 platfòm estasyon dal beton nan Somerville ($107,417)
• Acha ak enstalasyon twa nouvo estasyon Bluebikes, 28 bisiklèt, ak twa Bluebikes elektrik nan Chelsea ($ 86,228)
• Akizisyon 22 sipò pou bisiklèt ak 117 espas nan Marblehead ($ 6,250)
• Acha ak enstalasyon 67 sipò pou bisiklèt, de abri pou bisiklèt, ak 12 kliyotan rektangilè rapid (RRFBs) nan Newton ($473,132).

Twa pwojè yo te chwazi atravè pwogram Transfòmasyon Transpò:

• MBTA— Pi bon pwojè otobis—Amelyorasyon sekirite operasyon nan arè otobis yo ($3,216,897)
• MBTA— Amelyorasyon Priyorite Otobis ak Aksesibilite ($6,000,000)
• MBTA— Amelyorasyon operasyonèl Wout Otobis yo 714 ak 716 ($1,875,000)

Anfen, MPO te finanse premye faz konstriksyon Wout Ray Lynnfield soti nan Ford Avenue rive nan Nichols Lane nan ane 2026 pou $6,062,695. Pwojè sa a te deja prevwa nan Pwogram Otowout nan  tout Eta a pou Ane Fiskal Federal 2029, ak etap pwojè a ki pèmèt akselerasyon yon sèl eleman nan Ane Fiskal Federal 2026 la.

Kontrèman ak TIP lanvan yo, kote yo te souvan idantifye pwojè a anreta nan sik evalyasyon pwojè a epi yo pa t kapab note atan pou senaryo pwogramasyon yo, anplwaye MPO yo te travay kole ak pwomotè pwojè yo pou asire ke majorite pwojè sa yo te evalye avèk kritè nòt MPO yo. Byenke yon ti kantite nan pwojè sa yo pa t kapab note atan, yon evalyasyon kalitatif te montre ke yo byen aliyen ak objektif MPO yo, tankou amelyore koneksyon ant santye rejyonal yo ak amelyore eta bon reparasyon pou sistèm transpò rejyonal la.

Figi ES-1 yo montre kijan finansman Sib Rejyonal pou Ane Fiskal Federal 2026–2030 yo atravè pwogram envestisman MPO yo. Jan Tablo la montre sa, Pwogram Sib Rejyonal MPO Rejyon Boston a konsakre sitou pou amelyore mobilite ak sekirite pou tout mòd deplasman atravè envestisman enpòtan nan pwojè Lari Konplè. Yon gwo pati nan finansman MPO a sipòte tou modènizasyon wout rejyonal kle yo ak enfrastrikti transpò piblik atravè envestisman nan gwo pwojè enfrastrikti ak transfòmasyon transpò piblik yo. MPO a te chwazi tou pou kite anviwon $44.82 milyon ki pa pwograme.

Figi ES-1
Finansman Sib Rejyonal TIP pou Ane Fiskal Federal 2026–2030 Pwogram Envestisman MPO

FFY = ane fiskal federal. MPO = Òganizasyon planifikasyon metwopoliten. TIP = Pwogram Amelyorasyon Transpò.

Sous: MPO Rejyon Boston.

Jan sa note nan Figi ES-1, MPO a te pwograme plis pase 94 pousan nan finansman ki disponib li yo sou senk ane. Tablo ES-2 bay plis detay sou kantite pwojè ak alokasyon lajan yo atravè chak pwogram nan TIP Ane Fiskal Federal 2026–2030. Chapit 3 prezante plis detay sou chak pwojè Pwogram Sib Rejyonal  MPO a finanse.

Tablo ES-2
Rezime Envestisman Sib Rejyonal MPO Zòn Boston pou Ane Fiskal Federal 2026-2030

Nòt: Montan finansman ki nan tablo sa a gen ladan alafwa fon federal ak lajan ki pa federal, ki gen ladan fon kontrepati.

*Chif sa a gen ladan $8 milyon nan finansman Sipò pou Bisiklèt an sèvis lib.

FFY = ane fiskal federal. MPO = Òganizasyon planifikasyon metwopoliten. N/A = pa aplikab.

Sous: MPO Rejyonal Boston.

Lè MPO ap pran desizyon sou ki pwojè yo dwe finanse, MPO a egzamine kòman alokasyon lajan an nan chak pwogram envestisman konpare ak objektif finansman ki dekri nan Plan Transpò alontèm (LRTP) aktyèl MPO a, Destinasyon 2050. Objektif finansman pou pwogram envestisman ki enonse nan LRTP reflete kalite ak konbinezon pwojè MPO a ap chèche pou ede atenn bi ak objektif li pou rejyon an, amelyore sekirite pou tout itilizatè nan ankouraje mobilite ak aksè  atravè rejyon an. Plis enfòmasyon sou bi ak objektif MPO a disponib nan Chapit 1, epi yon konparezon ant objektif pwogram envestisman LRTP ak nivo finansman pwogram nan TIP pou Ane Fiskal Federal 2026–2030 yo prezante nan Figi ES-2.

Figi ES-2
Tip pou Ane Fiskal Federal 2026–2030: Nivo Finansman Sib Rejyonal yo parapò ak Objektif Pwogram Envestisman LRTP

FFY = ane fiskal federal. LRTP = Long-Range Transportation Plan. TIP = Pwogram Amelyorasyon Transpò.

Sous: MPO Rejyon Boston.

Envestisman ki fèt nan Tip pou Ane Fiskal Federal 2026–2030 yo pral aplike nan 36 vil ak vilaj atravè rejyon Boston an. Figi ES-3 ilistre repatisyon finansman Sib Rejyonal yo nan mitan uit sourejyon ki nan jiridiksyon MPO Rejyon Boston an, jan Konsèy Planifikasyon Zòn Metwopoliten (MAPC) defini l. Figi sa a montre tou kijan repatisyon fon yo konpare ak paramèt kle pou mezire bezwen finansman pa sourejyon, ki gen ladan pousantaj popilasyon rejyonal, travay, ak kilomèt wout Èd Federal nan chak sourejyon.

Figi ES-3

Tip pou Ane Fiskal Federal 2026–2030: Nivo Finansman Sib Rejyonal yo parapò ak endikatè kle yo

Nòt: Fon ki pa pwograme ak lajan ki te genyen pou pwogram Transfòmasyon Transpò ak Koneksyon Kominotè MPO a pa enkli nan figi sa a.

FFY = ane fiskal federal. MAGIC = Gwoup Konsiltatif Minuteman sou Kowòdinasyon Entèlokal. MAPC = Konsèy Planifikasyon Zòn Metwopoliten. MetroWest = Kolaborasyon Rejyonal MetroWest. NSPC = Konsèy Planifikasyon Banlye Nò. NSTF = North Shore Task Force. SSC = Kowalisyon South Shore. SWAP = Komite Konsiltatif Sidwès. TIP = Pwogram Amelyorasyon Transpò. TRIC = Konsèy Entèlokal TWa Rivyè.

Sous: Boston Region MPO.

Enfòmasyon adisyonèl sou distribisyon jeyografik finansman Sib Rejyonal yo atravè rejyon an, ki gen ladan yon dekonpozisyon nan finansman pa minisipalite, enkli nan Anèks D.

ES.4     FINANSE TIP pou Ane Fiskal Federal 2026–2030

ES.4.1 Pwogram Otowout

Pwogram TIP Highway te devlope ak sipozisyon ke finansman pou Massachusetts nan Pwogram Èd Federal pou Otowout ta varye ant $858 milyon ak $918 milyon chak ane pandan senk ane kap vini yo. Chif sa yo pa enkli fon ki bay pou pwojè eta a oswa antite lokal yo. Avèk adisyon fon korespondans, apeprè $1.07 milya a $1.15 milya te disponib nan tout eta a pou pwojè nan Ane Fiskal Federal.

Pwosesis pou detèmine pati MPO a nan finansman federal sa a pou rejyon Boston an dewoule an plizyè etap. Premyèman, MassDOT rezève finansman pou peman sèvis dèt GAN yo pou Pwogram Pon Akselere a; peman sa yo espere fini nan ane 2026. Ansuit, rès lajan Pwogram Èd Federal pou Otowout yo bidjetize pou sipòte priyorite eta ak rejyonal (sètadi, MPO). Yo rele finansman pou priyorite rejyonal yo Fon Sib Rejyonal yo.

Rès Fon Pwogram Èd Federal pou Otowout yo bidjetize pou sipòte priyorite eta ak rejyonal (sa vle di, MPO). MassDOT anjeneral bay kontrepati lokal la (k lòt antite ka bay tou). Pwojè yo finanse anjeneral a 80 pousan pa Gouvènman federal e 20 pousan par leta, men repatisyon an ka varye selon pwogram finansman an. Pwomotè pwojè a souvan sipòte depans konsepsyon pwojè a, menmsi MPO Rejyon Boston an te alwe fon Sib Rejyonal pou sipò konsepsyon an nan TIP pou Ane Fiskal Federal 2025–2029 ak Ane Fiskal Federal  2026–2030.  

Apre sa, MassDOT bay finansman atravè kategori finansman sa yo:

• Envestisman fyab: Pwogram sa yo gen ladan Pwogram Pon an—ki gen enspeksyon, antretyen sistematik, ak amelyorasyon Rezo Wout Nasyonal (NHS) ak amelyorasyon ki pa nan NHS—Pwogram Pave, Pwogram Amelyorasyon Wout, ak Pwogram Amelyorasyon Sekirite.
• Envestisman nan modènizasyon: Pwogram sa yo gen ladan Pwogram Lwa Ameriken Andikape yo (ADA), Pwogram Amelyorasyon Entèseksyon an, Pwogram Sistèm Transpò Entelijan (ITS), ak Pwogram Rekonstriksyon Wout.
• Envestisman pou Ekstansyon : Pwogram sa yo enkli Pwogram Bisiklèt ak Pyeton epi agrandisman rezo transpò piblik.

Finalman, MassDOT repati finansman ki rete a pami 13 MPO eta a pou pwogramasyon. Finansman diskresyonè sa a pou MPO yo sou-afekte pa fòmil pou detèmine kantite Sib Rejyonal yo. MPO Rejyon Boston an resevwa pi gwo pati nan finansman MPO nan eta a, epi apeprè 43 pousan fon Sib Rejyonal Massachusetts yo alwe a rejyon an. MassDOT devlope objektif sa yo an konsiltasyon ak Asosyasyon Ajans Planifikasyon Rejyonal Massachusetts (MARPA). TIP sa a te pwograme ak sipozisyon ke MPO Rejyon Boston an pral genyen ant $125 milyon ak $161 milyon dola chak ane pou Montan Sib Rejyonal yo, ki konpoze de finansman federal ak finansman eta pou kontrepati lokal la.

Chak MPO ka deside priyorite finansman Sib Rejyonal li yo. Etandone finansman Sib Rejyonal la se yon pati nan Pwogram Otowout la, MPO pwograme an jeneral majorite finansman pou pwojè wout; sepandan, MPO te transfere pati nan finansman otowout li yo nan Pwogram Transpò pou pwojè ekstansyon  transpò piblik yo e atravè pwogram Transfòmasyon Transpò ak Koneksyon Kominotè li yo. Pwogram Otowout TIP la detaye pwojè ki pral benefisye  Finansman Sib Rejyonal MPO Rejyon Boston ak pwojè enfrastrikti nan tout eta nan rejyon Boston an. Detay sou envestisman sa yo dekri nan Chapit 3.

ES.4.2 Pwogram Transpò Piblik

Administrasyon Transpò Federal (FTA) distribye lajan ki pwograme nan Pwogram Transpò TIP la dapre yon fòmil. Twa otorite transpò rejyonal nan zòn Boston Rejyon MPO ki resevwa lajan sa yo se MBTA, CATA, ak MWRTA. MBTA, avèk vas pwogram transpò piblik ak enfrastrikti li yo, se benefisyè majorite pati fon federal transpò piblik rejyon an.   

Lejislasyon federal transpò aktyèl la, BIL, bay finansman pou pwojè transpò piblik atravè pwogram fòmil sa yo:

• Seksyon 5307 (Sibvansyon Fòmil Zòn Ibanize): Bay sibvansyon nan zòn ibanize yo pou sipòte transpò piblik ki baze sou nivo sèvis transpò piblik, popilasyon, ak lòt faktè.
• Seksyon 5337 (Vwa Gidaj Fiks/Otobis): Vize kenbe sistèm transpò piblik yo an bon eta gras ak pwojè envestisman an kapital ranplasman ak reyabilitasyon.
• Seksyon 5309 (Sibvansyon Envestiman pou Vwa Gidaj Fiks): Bay sibvansyon pou konstriksyon ak ekstansyon sistèm ray, transpò rapid otobis, ak Feri ki reflete priyorite lokal yo pou amelyore opsyon transpò nan koridò kle yo.
• Seksyon 5339 (Otobis ak Enstalasyon Otobis): Bay finansman pou ranplase, reyabilite, ak achte otobis yo ak ekipman ki gen rapò, epi konstwi enstalasyon ki gen rapò ak otobis yo.
• Seksyon 5310 (Amelyorasyon Mobilite pou granmoun aje ak moun ki andikape yo): Bay finansman pou sipòte transpò pou satisfè bezwen espesyal granmoun aje ak moun ki andikape yo.

ES.5     PWOSESIS DEVLOPMAN TIP LA

ES.5.1 Apèsi

Lè y ap detèmine ki pwojè yo dwe jwenn finansman atravè pwosesis Finansman Sib Rejyonal la, manm MPO yo kolabore ak minisipalite yo, ajans leta yo, piblik la, gwoup defansè yo, ak lòt moun ki gen enterè yo. Konsèy administrasyon MPO a itilize kritè evalyasyon nan pwosesis seleksyon pwojè li yo pou ede idantifye ak priyorize pwojè ki fè pwogrè atravè sis domèn objektif MPO a:

• Sekirite
• Mobilite ak fyab
• Aksè ak Koneksyon
• Rezilyans
• Lè Pwòp ak Kominote Ansante
• Ekite an matyè Transpò

Ou ka jwenn plis enfòmasyon sou domèn objektif MPO a nan paj wèb Destination 2050 la: https://bostonmpo.org/lrtp.

Jan yo montre nan Figi ES-1 ak Tablo ES-2, MPO a te etabli pwogram envestisman ki fèt pou dirije finansman Sib Rejyonal  yo nan zòn priyorite MPO yo pandan 20 pwochen ane yo:

• Amelyorasyon Entèseksyon
• Lari Konplè
• Gwo Enfrastrikti
• Rezo Bisiklèt ak Koneksyon Pyeton
• Koneksyon Kominotè, ki gen ladann yon Pwogram Sipò pou Bisiklèt an sèvis lib
• Transfòmasyon Transpò

Pwojè ke MPO a chwazi pou resevwa finansman Sib Rejyonal  atravè pwosesis devlopman TIP yo enkli nan youn nan sis pwogram envestisman ki endike anwo a. Plis enfòmasyon sou pwogram envestisman MPO a disponib nan Chapit 2.

MPO a entegre pratik planifikasyon ak pwogramasyon ki baze sou pèfòmans (PBPP) nan elaborasyon TIP li yo ak lòt pwosesis. Pratik sa yo fèt pou ede dirije fon MPO yo nan direksyon jwenn rezilta espesifik ak mezirab pou sistèm transpò a. Envestisman MPO yo gen rapò dirèkteman lye ak kad PBPP a epi kontribiye plis a reyalizasyon bi ak objektif pèfòmans MPO yo. Avèk elaborasyon TIP pou Ane Fiskal Federal 2026-2030, MPO a te ogmante disponiblite finansman pandan tout ane fiskal yo pou pwograme nouvo pwojè pou adrese fyabilte sistèm transpò piblik, sekirite trafik pou tout itilizatè yo, kondisyon pon NHS yo, ak lòt priyorite. MPO a pral kontinye konekte byen ak objektif pèfòmans li yo, desizyon envestisman, ak aktivite siveyans ak evalyasyon li yo. Plis enfòmasyon sou PBPP disponib nan Chapit 4 ak Anèks A (Tablo A-2).

ES.5.2 Sensibilisation ak Koleksyon Done

Pwosesis kontak la kòmanse byen bonè nan ane fiskal federal la. Vil ak vilaj yo deziyen kontak TIP yo epi yo kòmanse adres lis pwojè priyorite yo dwe konsidere pou finansman federal, epi anplwaye MPO a mande anplwaye vil ak vilaj nan rejyon an pou idantifye pwojè priyoritè yo. Anplwaye MPO yo konpile demann finansman pwojè yo nan yon Linivè Pwojè, ki se yon lis tout pwojè yo idantifye kòm kandida potansyèl pou resevwa finansman atravè TIP la.

Pwojè priyoritè otorite transpò Piblik rejyonal yo ak MBTA yo idantifye anjeneral kòm yon pati nan pwosesis elaborasyon pwogram anyèl otorite yo. Anplwaye MPO a aksepte aplikasyon pou finansman Transfòmasyon transpò nan sezon otòn la. Pwojè ke anplwaye MPO resevwa aplikasyon pou yo, ki pa finanse atravè TIP oswa Plan Envestisman an kapital la, yo ka ajoute nan Linivè Pwojè yo.

Linivè a gen ladan pwojè nan diferan nivo preparasyon, soti nan moun ki gen gwo travay enjeniri ak konsepsyon ki fini rive nan sa yo ki toujou nan etap konsepsyon oswa planifikasyon. Anplwaye MPO yo kolekte done sou chak pwojè nan Linivè pou yo ka evalye pwojè yo.

ES.5.3 Evalyasyon Pwojè

Anplwaye MPO yo evalye pwojè yo dapre jan yo byen adrese objektif MPO yo. Pou anplwaye MPO fè yon evalyasyon pwojè konplè, pwojè ki elijib pou Rezo Bisiklèt ak Koneksyon Pyeton, Lari konplè, Amelyorasyon Entèseksyon, ak finansman pwogram Gwo Enfrastrikti dwe gen yon rapò konsepsyon fonksyonèl oswa plan pwojè yo dwe gen ladan nivo detay ki defini nan yon rapò konsepsyon fonksyonèl, yon sèy yo atenn jeneralman lè yon pwojè apwoche etap konsepsyon 25 pousan. Pou finalize evalyasyon pwojè ki an konsiderasyon atravè pwogram Koneksyon Kominotè MPO a, moun ki pwomotè pwojè yo dwe soumèt yon aplikasyon ranpli bay anplwaye MPO yo.

An repons a ogmantasyon pri siyifikatif nan dènye sik TIP pou pwojè ki deja pwograme pou finansman, konsèy administrasyon MPO a te kreye yon komite apre sik TIP pou Ane Fiskal Federal 2022–2026 pou plis eksplore kòz ogmantasyon pri pwojè yo epi elabore chanjman politik MPO pou sipòte livrezon pwojè ki pi serye. Komite Ad Hoc sou Pri Pwojè TIP la te kòmanse travay li an jen 2021 epi li te avanse yon seri rekòmandasyon politik bay konsèy administrasyon MPO a konplè a nan mwa septanm 2021. MPO a te adopte fòmèlman chanjman sa yo nan dat 4 novanm 2021, e yo te anvigè pou elaborasyon TIP pou Ane Fiskal Federal 2026-2030 la.

Pami lòt chanjman, MPO a te chwazi pou kodifye politik li a ki mande pou moun ki pwopoze pwojè yo soumèt konsepsyon 25 pousan epi jwenn yon estimasyon pri aktyalizasyon pou pwojè yo anvan yo te pwograme nan TIP la. Etandone pwoblèm pèsistan nan preparasyon pou pwojè yo obsève atravè plizyè sik elaborasyon TIP, MPO a te fòme yon nouvo komite, Komite Pwosesis, Angajman, ak Preparasyon TIP, ki te rekòmande yon ranfòsman total pandan elaborasyon TIP pou Ane Fiskal Federal 2027–2031. Komite sa a pral egzamine politik adisyonèl oswa revize pou konplete nouvo politik la.

Yo prezante rezilta evalyasyon tout pwojè yo bay manm konsèy administrasyon MPO a pou yo egzamine yo pou pwogramasyon nan TIP la. Yo pataje nòt bouyon pwojè yo dirèkteman ak pwomotè pwojè yo, ki ansuit ankouraje pou yo egzamine nòt yo epi fòmile kòmantè pou anplwaye MPO yo ka fè tout ajisteman ki jistifye pou atenn rezilta final apwopriye. Yon fwa pwosesis egzamen an fini, rezilta final nòt yo afiche sou sitwèb MPO a kote manm MPO yo, fonksyonè minisipal yo, ak manm piblik la ka egzamine yo.

ES.5.4 Jou Preparasyon TIP

Yon etap enpòtan nan pwogramasyon TIP fèt nan mitan sik elaborasyon TIP nan yon reyinyon—ki rele Jou Preparasyon TIP—ke anplwaye MassDOT ak MPO patisipe. Nan reyinyon sa a, manadjè pwojè MassDOT yo bay mizajou sou pri ak chanjman orè ki gen rapò ak pwojè ki pwograme kounye a. Chanjman pri ak orè sa yo dwe pran an konsiderasyon paske anplwaye MPO yo ap ede konsèy administrasyon MPO a konsidere mizajou nan ane TIP ki deja pwograme yo epi ajoute nouvo pwojè nan dènye ane TIP la.

Pami lòt nouvo politik Komite Ad Hoc sou Pri Pwojè TIP yo te pwopoze, administrasyon MPO a te adopte yon politik ki te egzije pwomotè pwojè ki te fè eksperyans yon ogmantasyon pri 25 pousan oswa plis (pou pwojè ki koute mwens pase $10 milyon) oswa $2.5 milyon oswa plis (pou pwojè ki koute plis pase $10 milyon) pou yo prezante yo bay konsèy administrasyon MPO a rezon ogmantasyon pri sa yo. Ansuit, MPO a pral konpare pwojè sa yo—nan nouvo pri yo—ak lòt pwojè epi li ta konsidere evalyasyon pri-efikasite sa a lè yo deside si wi ou non yo pral finanse pwojè yo a yon pri pi elve. Varyasyon pri sa yo pi souvan revele nan konvèsasyon ant anplwaye MassDOT ak anplwaye MPO pandan Jounen Preparasyon TIP la, sa ki fè nouvo politik sa a patikilyèman enpòtan nan etap elaborasyon TIP sa a.

ES.5.5 Rekòmandasyon Anplwaye ak Draft TIP

Avèk rezilta evalyasyon yo ak enfòmasyon sou preparasyon pou pwojè yo (sa vle di, nan ki pwen yon pwojè konplètman konsevwa ak pare pou konstriksyon), anplwaye MPO yo prepare yon rekòmandasyon oswa yon seri senaryo pwogramasyon pou pwograme finansman Sib Rejyonal  la nan TIP la. Lòt konsiderasyon, tankou si yon pwojè te enkli nan LRTP, repons a yon bezwen transpò idantifye, oswa pwomosyon repatisyon envestisman nan transpò atravè rejyon an, entegre tou nan senaryo pwogramasyon sa yo. Rekòmandasyon anplwaye yo toujou soumèt a kontrent finansye, sa vle di, sou rezèv fon ki disponib. Te gen anviwon 754 milyon dola finansman Sib Rejyonal ki disponib pou MPO Rejyon Boston pou ane 2026–2030. Nan sik TIP sa a, manm konsèy administrasyon MPO yo te diskite sou plizyè senaryo pou Pwogram Sib Rejyonal la epi yo te chwazi yon pwogram privilejye nan mwa avril 2025.

Anplis priyorize finansman Sib Rejyonal la, konsèy administrasyon MPO a egzamine ak apwouve pwogram otowout nan tout eta a ke MassDOT rekòmande pou pwogramasyon an. Konsèy administrasyon an egzamine ak apwouve tou pwogramasyon fon pou pwogram envestisman nan transpò MBTA, CATA ak MWRTA.

ES.6     APWOUVE TIP LA

Apre chwa yon senaryo pwogramasyon privilejye, anjeneral nan mwa avril, administrasyon MPO a vote pou pibliye bouyon pwojè TIP la pou yon peryòd egzamen piblik 30 jou. Peryòd kòmantè a kòmanse anjeneral nan fen mwa avril, epi pandan tan sa a MPO a envite manm piblik la, fonksyonè minisipal yo, ak lòt moun ki gen enterè nan rejyon Boston an pou yo egzamine pwogram ki pwopoze a epi soumèt komantè. Pandan peryòd egamen piblik la, anplwaye MPO yo òganize reyinyon piblik yo pou diskite sou bouyon pwojè TIP la epi fè kòmantè adisyonèl.

Apre peryòd egzamen piblik la fini, konsèy administrasyon MPO a egzamine tout kòmantè minisipal ak piblik yo epi li ka modifye kèk eleman nan dokiman oswa pwogram li yo. Ansuit, Konsèy administrasyon MPO a andose TIP la epi li soumèt li bay Administrasyon Otowout Federal (FHWA) ak Administrasyon Transpò Federal (FTA) pou apwobasyon. MassDOT entegre TIP ki apwouve pa MPO a nan Pwogram Amelyorasyon Transpò Eta a (STIP). FHWA, FTA, ak Ajans Pwoteksyon Anviwònman Etazini egzamine STIP la pou sètifikasyon anvan 30 septanm, fen ane fiskal federal la.

ES.7     MIZAJOU POU TIP LA

Menm apre TIP la te finalize, modifikasyon administratif, amannman, ak ajisteman dwe souvan prezante akòz chanjman nan orè pwojè yo, pri pwojè yo, sous finansman, oswa revni ki disponib. Sa ka nesesite repwogramasyon yon pwojè sou yon lòt ane finansman diferan oswa alokasyon fon adisyonèl pou yon pwojè.

Yo afiche avi sou modifikasyon administratif ak amannman sou sitwèb MPO a. Si yon amannman nesesè, MPO a notifye minisipalite ki afekte yo, moun ki gen enterè yo, ak manm piblik la pa imel. MPO a kenbe anjeneral yon peryòd egzamen piblik 21 jou anvan li pran mezi final sou yon amannman. Nan sikonstans ekstrawòdinè, MPO a ka vote pou diminye peryòd kòmantè piblik la a yon minimòm de 15 jou. Modifikasyon ak ajisteman administratif yo minè epi anjeneral pa jistifye yon peryòd egzamen piblik.

ES.8     RETE ENPLIKE AK TIP LA

Angajman piblik se yon aspè enpòtan nan pwosesis planifikasyon transpò a. Pou plis enfòmasyon sou MPO a, tanpri vizite bostonmpo.org pou wè tout TIP la, epi pou soumèt kòmantè w yo. Ou ka vle abòne tou pou jwenn mizajou aktyalite ak notifikasyon pa imel lè w vizite bostonmpo.org/subscribe epi soumèt enfòmasyon kontak ou. Pou mande yon kopi TIP la nan fòma aksesib, tanpri kontakte anplwaye MPO a nan nenpòt nan mwayen sa yo:

Lapòs: Boston Region MPO c/o CTPS MPO Activities Group, 10 Park Plaza, Suite 2150, Boston, MA 02116-3968

Telefòn: 857.702.3700 (mesaj vokal)

Pou moun ki gen difikilte pou tande oswa pou pale, konekte atravè sèvis MassRelay eta a:

• Relè gras ak TTY oswa repò Odyans : 800.439.2370
• Relè gras ak Repò Vokal: 866.887.6619
• Relè gras ak Sentèz Vokal: 866.645.9870

Imel: publicinfo@ctps.org

Tradiksyon Rezime Egzekitif TIP pou Ane Fiskal Federal 2026–2030 yo disponib tou:

• 執行總結 (PDF)
• 执行总结 (PDF)
• Rezime Egzekitif (PDF)
• Resumen Ejecutivo (PDF)
• Resumo Executivo (PDF)